Masakra në Lushnjë, dëshmitari okular rrëfen çastet e tmerrit: Zbritën nga makina tre persona me kallashnikov dhe…

Dëshmitari okular ka zbardhur detaje të reja në lidhje me atentatin në Lushnje. Ngjarja e rende ndodhi tri ditë më parë, ku dy të rinj humbën jetën dhe 2 persona mbetën të plagosur. Sipas dëshmitarit automjeti i agresorëve, brenda të cilit ndodheshin 4 persona erdhi nga qendra e qytetit. Dëshmitari pohoi se 3 prej tyre, pasi zbritën nga makina hapën zjarr me kallashnikovë në drejtim të djemve, ku lëshuan 41 plumba, duke lënë të vdekur Zamir latifin dhe Jurgen Hoxhën. Për këtë ngjarje që tronditi Lushnjën dhe mbarë opinionin publik janë shpallur në kërkim Laert Haxhiu dhe Orgest Bilbili, që dyshohet të janë autorët e atentatit. Sakaq, policia po heton disa pista për ngjarjen, ku kryesorja është ajo e hakmarrjes, pasi dy personat e shpallur në kërkim rezultojnë me precedentë penalë.