Kukës, familja e denoncoi të zhdukur, 17 vjeçarja gjendet e varur në litar

Një adoleshente është gjetur e varur në litar. Ngjarja e rëndë ka ndodhur ne Kukës. Sipas policisë së Kukesit adoleshentja me iniciale A.H ka qenë shpallur në kërkim për largim nga banesa, pasi më datë 2.09.2017,  është paraqitur në Komisariatin e Policisë Kukës, babai,  B.H, i cili ka denoncuar largimin e saj nga banesa. Por, pas gjetjes së trupit, mbi vajzën u krye ekspertiza mjeko-ligjore, e cila konstatoi se në trup nuk ka shenja dhune si dhe dyshohet se është vetvarur. Ndërkohë po punohet për sqarimin e rrethanave të ngjarjes. Materialet për  veprime të mëtejshme do ti kalojnë Prokurorisë së Rrethit Gjyqësor Kukës.