Pogradec, dy punonjës të Ujësjellësit bien në kontakt me energjinë elektrike

Sot, në fshatin Tushemisht, dy punonjës të Ujësjellësit Pogradec I. K., rreth 58 vjeç, banues në Pogradec dhe D. K., rreth 38 vjeç, banues në fshatin Memelisht, duke punuar te pompa e ujit, dyshohet se aksidentalisht kanë rënë në kontakt me energjinë elektrike.
Për pasojë këta persona kanë pësuar djegie në pjesë të ndryshme të trupit.
Pas ndihmës së marrë në Spitalin e Pogradecit këta të fundit u nisën në Tiranë, për një mjekim më të specializuar ku ndodhen jashtë rrezikut për jetën.
Grupi hetimor po punon për zbardhjen e rrethanave të ngjarjes.