ALARMI/ Shpërthimi i vullkanit Etna, ndikim edhe në Shqipëri: Shi acid dhe ndotje ajri!

Shpërthimi i vullkanit në malin Etna, në Sicili do të ndikojë edhe në Shqipëri. Për sinoptikanët, ndikimet në kushtet e motit do të jenë të ndjeshme, sepse qarkullimi i masave ajrore është jug-perëndimor , çka do të thotë se Etna sjell grimcat dhe hirin drejt Shqipërisë dhe Ballkanit e për pasojë rrit temperaturat dhe shkakton shi acid.
Parashikuesit e motit thonë, se ky ndikim do të vijoj për aq kohë sa edhe vullkani është aktiv. Sipas Agjencisë Kombëtare të Mjedisit, janë ekspertet e gjeologjisë që përcaktojnë me saktësi rrezen e veprimit të këtij vullkani.
Por sipas tyre, hiri i shpërndarë në atmosfere ndot ajrin, duke shkaktuar probleme serioze në shëndet e sidomos për ata që vuajnë nga astma.
Sa i takon shiut acid ai ndikon në prishjen e ekosistemeve. Në të shumtën e rasteve, gazi dhe pluhuri, kur janë së bashku, krijon re tymi, të cilat ngrihen lart në atmosfere dhe  pengojnë depërtimin e rrezeve të diellit. Sipas ekspertëve kjo behet shkak i anulimit të fluturimeve me transport ajror.