Monika Kryemadhi: Mjekët të merren me kontrollin mendor të Edi Ramës

Forumet rinore të Lëvizjes Socialiste për Integrim dhe Partisë Socialiste, përkatësisht LRI dhe FRESSH, të cilët u janë bashkuar edhe të rinjtë e Internacionales Socialiste po qëndrojnë këto ditë në Jalë.
Kryetarja e LSI-së Monika Kryemadhi, gjatë intervistës për ABCNews, është pyetur për kërkesën që bëri LSI gjatë fushatës, për një kontroll të shëndetit mendor të Edi Ramës. Nga kampingu i Jalës ku janë mbledhur forumet rinore të LSI-së dhe PS-së, Kryemadhi i qëndron idesë së saj se me të duhet të merren mjekët.
“Unë nuk jam mjeke, nuk kam studiuar për mjekësi. Ato që janë mjekë kanë të drejtë ta përkufizojnë më mirë, u shpreh kryetarja e LSI, që shtoi se zgjedhja e Edi Ramës për të publikuar një listë të zezë, nuk ishte aspak normale”.