Lezhë, goditet nga rryma elektrike, vdes aksidentalisht 57-vjeçari

Një person ka humbur jetën në Lezhë, si pasojë e kontaktit me korrentin. Ngjarja e rëndë ka ndodhur dje, në fshatin Kotërr.
Sipas Policisë, P. Sh., 57 vjeç, banues në fshatin Kotërr, aksidentalisht pranë banesës së tij ka prekur telat e tensionit të mesëm dhe është goditur nga rryma elektrike.
Pavarësisht tentativave për t’i ardhur në ndihmë, 57-vjeçari ka gjetur vdekjen e menjëhershme.
Paraprakisht dyshohet se ngjarja është aksidentale, ndërkohë që materialet i kaluan Prokurorisë së Lezhës për vlerësim të mëtejshëm.