Ish-ministri i Jashtëm, Besnik Mustafaj, deklaroi fill pas takimit të kundërshtarëve të Bashës në Durrës se është plot optimizëm për ringjalljen e Partisë Demokratike.
“Sapo u ktheva nga nje takim i paharrueshem ne Teatrin Aleksander Moisiu ne Durres. Kishin ardhur shume me teper demokrate se sa merrte salla. Gjeta shume nga qendrestaret e vitit ’91 e ’97. Por edhe shume te rinj te mrekullueshem te Forumit Rinor Demokrat. Jam plot me besim se PD do t’i rezistoje katastrofes se nje procesi zgjedhor te paqene dhe do te ngrihet mrekullisht per t’i bere opoziten qe meriton kjo qeverisje e rrezikshme e Edi Rames. Faleminderit qytetarise demokrate durrsake qe me dhane kete shprese”, shkruna ai.
Mustafaj ka mbështetur lëvizjen e Patozit për një garë të re brenda PD dhe largimin e Bashës nga drejtimi i partisë.
Ai sëbashku me Patozin drejtuan një takim me demokratë në qytetin e Durrësit, qutet ku janë më së shumti figura të PD që kanë kundërshtuar gjithnjë lidershipin e Bashës.
