Prokuroria kërkon nga Greqia dosjen e plotë të Klemend Balilin

Prokuroria për Krimet e Rënda kërkon nga drejtësia greke të dhëna të reja në lidhje me aktivitetin kriminal të Kelmend Balilit. Deri në këto momente hetuesit shqiptare kishin administruar në dosjen hetimore vetëm dy raste trafiku lëndëve narkotike nga grupi i Balilit. Njeri është trafiku i 700 kilogramëve kanabis të kapur në Greqi dhe një rast tjetër është trafiku drejt Evropës perëndimore në një kamion me portokalle.
Hetuesit shqiptarë kërkojnë të shohin përgjimet telefonike dhe korrespondencën që kanë patur me njëri tjetrin anëtarët e këtij rrjeti të trafikut. Në letërporosi kërkohet që edhe pala shqiptare të ketë njohuri për provat që disponojnë homologët grekë.
Në dosjen e policisë greke dhe DEA-s amerikane grupi i Balilit është i dyshuar për të paktën 6 raste trafiku. Bazuar në hetime prokuroria greke në bashkëpunim me DEA-n amerikane ka arritur të vërtetojë se grupi drejtohej nga Dhimitër Poti i arrestuar në Belgjikë.
Ngarkesa e fundit prej 100 kilogramësh është kapur në 9 maj të vitit të kaluar në depot e firmës së transportit të Potit, në Belgjikë.
Në 19 prill 20015 në Angli janë kapur në një kamion 23 kilogramë kokainë. Në 29 prill po të vitit të kaluar në Bullgari janë sekuestruar 513 kilogramë kanabis. Në mars të 2015 në Belgjike në makinë janë kapur 25 kg marijuanë.
Ky grup kishte për qëllim shpërndarjen në të gjithë Evropën dhe në Gjermani në datën 8 prill të këtij viti në një kamion u kapën 100 kilogramë hashash. Ndërkohë në 8 maj të 2016 në Greqi u sekuestruan 657 kilogramë kanabis. Një tjetër rast është trafikuar drejt Holandës 60 kilogramë kokainë. Në total grupi dyshohet se ka trafikuar disa tonë kanabis dhe 83 kilogramë kokainë.