Elbasan, sekuestrohet parcela e drogës në “Hijen e zezë”

Në zbatim të planit të masave me qëllim parandalimin e kultivimit të bimëve narkotike, gjatë kontrollit të territorit në fshatin Ermanj Njësia Administrative Tunjë, në vendin e quajtur “Hija e zezë” në një zonë të pyllëzuar është bërë e mundur konstatimi i një sipërfaqe toke në të cilën ishin mbjellë 46 rrënjë bimë narkotike Cannabis Sattiva.
Bimët narkotike ishin të sapo mbjella në pronë publike pa pronarë, të cilat u sekuestruan në cilësinë e provës materiale. Po punohet për zbulimin dhe kapjen e autorëve përgjegjës.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Kultivimi i bimëve narkotike”, parashikuar nga neni neni 284 i Kodit Penal.