Bashkia Tiranë: Shkëlqim Cani, mbi 1 milion euro borxh në llogaritë tona

Bashkia e Tiranës, nëpërmjet një letre të nënkryetarit të Bashkisë, Enno Bozdos drejtuar Ministrit së Financave, Shkëlqim Cani i ka shprehur shqetësimin për mos kalimin në llogarinë e bashkisë të ardhurat nga biznesi i vogël.
Sipas një njoftimi dërguar në media, Bashkia sqaron se në llogarinë e  bashkisë  duhet të derdhej shuma prej 28.110.216 lekësh por deri më sot nuk ka pasur asnjë veprim apo sqarim në këtë drejtim.
Po ashtu në njoftim thuhet kjo ka krijuar një mungesë të ardhurash në masën 150.000.000 lekësh, sipas parashikimit në buxhetin e Bashkisë
Në letrën dërguar ministrit të Financave i kërkohet të marrë sa më shpejt në konsideratë kërkesën tepër emergjente, për plotësimin e procedurave dhe kalimin e detyrimit të tatimit të thjeshtuar të fitimit në interes së Bashkisë Tiranë.
“Çdo vonesë në realizimin e këtyre të ardhurave bën të mundur mosplotësimin e angazhimeve dhe detyrave që ne kemi për qytetarët dhe qytetin e Tiranës. Duke shpresuar se këto veprime nuk janë në vazhdën e angazhimit total të çdo strukture të shtetit për të bllokuar punën e Bashkisë së Tiranës,  jemi në pritje të reagimit nga ana juaj”, thuhet në shkresën drejtuar ministrit të Financave.
Nga të ardhurat e mbledhura një vit më parë të cilat janë vetëm 68 për qind e të ardhurave të mbledhura nga administrata tatimore e Bashkisë së Tiranës tregon për dështim të mbledhjes së taksave nga qeveria dhe rritje të informalitetit. Mungesa e transparencës për muajt e parë të vitit 2015 nga drejtoria e Tatim – Taksave lidhet dhe me performancën e dobët në mbledhjen e tatim -fitimit të biznesit të vogël”.
Në letrën që Bashkia e kryeqytetit i ka dërguar Ministrisë së Financave, i kërkohet të plotësojë sa më shpejt detyrimet, duke kaluar detyrimin e tatimit të thjeshtuar të fitimit, në interes së Bashkisë Tiranë.
“Çdo vonesë në realizimin e këtyre të ardhurave bën të mundur mosplotësimin e angazhimeve dhe detyrave që ne kemi për qytetarët dhe qytetin e Tiranës. Duke shpresuar se këto veprime nuk janë në vazhdën e angazhimit total të çdo strukture të shtetit për të bllokuar punën e Bashkisë së Tiranës, jemi në pritje të reagimit nga ana juaj”, thuhet në shkresën drejtuar ministrit të Financave.
Më tej, Bashkia e akuzon qeverinë për dështim në mbledhjen e taksave, gjë që është bërë shkak për mungesë transparence nga ana e saj.