Mandati i deputetit Koço Kokëdhima, sot mblidhet Këshilli

Mblidhet sot Këshilli për Rregulloren, Mandatet dhe Imunitetin për të diskutuar kërkesën e PD për Koço Kokëdhimën. Mbledhja është parashikuar të nisë në orën 18:00.
Partia Demokratike prej javësh kërkon që deputetit socialist t’i hiqet mandate pasi akuzon se në shkelje me ligjin ka përfituar fonde publike. Sipas PD, Kokëdhima po mbrohet nga kryeministri Edi Rama i cili po tregon dy standarde për çështjen e deputetëve që kanë probleme ligjore. PD-ka denoncuar se, deputeti Koço Kokëdhima ka përfituar tenderë edhe pse ligji nuk ja lejon për sa kohë mban mandatin e deputetit. Pretendimet e PD janë hedhur poshtë nga Koço Kokëdhima i cili ka deklaruar se nuk zotëron më asnjë kompani që prej kohës që hyri në parlament.