Peter Swinnen, arkitekti i Qeverisë Flamane në Belgjikë është shkarkuar nga detyra për shkak të një tenderi lidhur me nismën e Edi Ramës “Atelier Albania”. Në qendër të kritikave jane dy arkitektë belgë: Peter Swinnen, personi qe shpalli tenderin dhe Patrick Janssens, fituesi i tenderit.
“Afera në Shqipëri shporr arkitektin belg”
Me date 27 shkurt 2014, Peter Swëinnen, drejtues i Qendrës së Arkitektëve Flamanë që këshillon Qeverinë Flamane, shpalli tenderin lidhur me një studim fizibiliteti për realizimin e projekteve në Shqipëri.
Tre ishin kompanitë që konkurruan për këtë studim:
1) AWB,
2) B-ild Architecten dhe
3) Centrum voor Stadsontëikkeling CVBA.
Kompania e fundit është ajo e Patrick Janssens, i cili së bashku me ortakët e tij fituar kontratën prej 31.097 eurosh.
Por një raport i Qendrës së Auditimit Financiar të Qeverisë Flamane, nxorri në pah, se informacioni paraprak që shpallësi i tenderit, Peter Swinnen i ka dhënë fituesit të tenderit Patrick Janssen ka krijuar një garë të pandershme. Si rrjedhim fituesi ka qenë i favorizuar në menyrë të padrejtë. Për këtë arsye, Peter Swinnen është shkarkuar nga detyra dhe sipas shtypit belg, ndaj tij dhe mund te fillojë një hetim penal .
“Vendimi për të shkarkuar Swinnen është marrë në bazë të një raporti nga Qendra e Auditimit të Qeverisë Flamane”
Kështu është shprehur zëvendës kryeministrja e Qeverisë Flamane, Liesbeth Homans. Raporti i Auditimit provoi, se për tenderimin kishte konflikt interesi, pasi ishte Sëinnen ai që hodhi idenë, nese kompania e Qendrës së Arkitektëve Flamanë mund të realizonte projekte edhe në Shqipëri, gjë që u kundërshtua nga anëtarë të tjerë të saj.
Sipas gazetës presigjioze belge “De Morgen”, në një artikull të titulluar “afera në Shqipëri shporr arkitektin belg”, thuhet se zgjedhja e Shqipërisë nuk ishte e rastësishme.
“Kompania 51N4E, e bashkë-themeluar nga arkitekti Peter Swinnen, shpallësi i tenderit, ka lidhje te forta me Qeverinë Shqiptare”, thuhet në artikullin e kësaj gazete.
“Për më tepër, tenderi u fitua nga Qendra për Zhvillimin Urban nga Patrick Janssens, i cili në atë kohë kishte qëndruar një javë në Shqipëri, gjë që ngjalli dhe me shumë dyshime”, shpjegohet në artikull.
Sipas raporti të auditimit, Janssens ka vizituar Shqipërinë më 20 shkurt 2014, një javë para se te shpallej tenderi për projektin në Shqipëri nga Peter Swinnen, që ishte i pranishëm në nisjen e Atelier Albania.
Lidhjet e Peter Swinnen dhe Patrick Janssens me Kryeministrin Rama
Kompania 51N4E, e bashkëthemeluar nga Peter Swinnen, shpallësi i tenderit për nismën “Atelier Albania”, ka qene nje nga kompanitë arkitekturore më të rëndësishme per Ramën. Kjo kompani ka bere projektin per “Sheshin Skenderbej”, që zgjati per 4 vite me rradhë duke mbajtur peng gjithe trafikun në Tiranë dhe si përfundim nuk u realizua kurrë. Po ashtu, fituesi i tenderit të projektit të “Lungo Mares” në Vlorë u shpall në 21 shkurt 2014 Xaveer de Geyter me studion “XDGA”. Vetëm disa muaj më pas, në korrik të 2014, u evidentua, se projekti kishte probleme.
Xaveer de Geyter ka qenë pjesë e komisionit vlerësues për projektin e “Sheshit Skënderbej” dhe i njohur i Peter Swinnen. Xaveer de Geyter rezulton gjithashtu se ka redaktuar manualin për kompaninë 51N4E.
Në jurinë ndërkombëtare për seleksionimin e projektit të “Lungo Mares” ka qenë edhe fituesi i tenderit për nismën “Atelier Albania” Patrick Janssens. Janssens nuk është një i panjohur për Edi Ramën. Ai ka mbajtur postin e kryetarit ne Partine Socialiste Flamane në Belgjikë dhe ka qenë për shumë vite në krye të bashkise së qytetit të Antwerpenit, bashkia më e madhë në vend.
