Kosova në Shëngjergj, pas 30 vitesh gjen Lefterien që i shpëton jetën më 1985

Kandidati për Kryetar Bashkie në Tiranë, Halim Kosova, përgjatë takimeve elektorale, takoi sot në fshatin e largët Shën Mëri, Lefterie Deliun, një grua që z.Kosova iu gjend afër në dimrin e vështirë të vitit 85, pasi ajo ishte në rrezik për jetën. Zonja Deliu i shprehu Halim Kosovës edhe një herë mirënjohjen e saj, për shërbimin e marrë natën më të vështirë të jetës së saj, 30 vite më parë. “Ka qenë dimri i egër i vitit 85 kur i shkova në shtëpi në fshatin Shën Mëri. Rrezikonte jetën. Me makine deri në rrëzë te Dajtit, pastaj në këmbë me nxitim para se të bëhej lumi i pakalueshëm. Jam i gëzuar që dhe sot Lefteria gëzon shëndet të mirë. Ajo e mban mend atë natë të vështirë dhe më takoi sot për të shprehur sërish mirënjohje”, kujton Kosova.
Kosova po vijon intensivisht takimet me banorë të bashkisë së zgjeruar të Tiranës. Duke biseduar me banorë të Shengjergjit, një zonë malore në verilindje të Tiranës, ai tha se produktet blegtorale të kësaj zone do ta mbyllin ciklin atje pa krijuar koston e transportit deri në Tiranë. Skema të shitjes dhe të grumbullimit do të jenë në planet Halimit kur të jetë kryetar bashkie.
Banorët e Shëngjergjit kanë shumë mangësi e probleme në jetën e tyre të përditshme. “Unë kam një pyetje për shëndetësinë. Ne kemi një laburante këtu e paisje të vjetra. Si i bëhet a mund të kemi mjekë këtu”, ankohet një banor. “Edhe për gjërat që nuk janë kompetencë e Bashkisë, unë angazhohem se po të punojmë sëbashku do ti zgjidhim. Halli juaj është halli im. Për çdo shqetësim që kemi, do të ulemi bashkë e do të gjejmë një zgjidhje”, u shpreh Halim Kosova.