Tërheqja e Altin Bibës nga gara ka krijuar edhe një ngërç insitucional. KZAZ-ja e Kurbinit nuk ka pranuar çregjistrimin e tij, për shkak se Kodi Zgjedhor nuk parashikon diçka të tillë, pas regjistrimit të kandidatit nga KQZ. I mbetet KQZ-së të diskutojë brenda hapësirave ligjore dhe të vendosë për këtë tërheqje, në këtë fazë të procesit parazgjedhor
Tërheqja nga gara e Altin Bibës, kandidatit të PD-së për bashkinë e Kurbinit, disa orë pas publikimit të saj ka dy “motive” të kundërta me njëra-tjetrën.
Zyrtarisht, sikurse vetë kandidati ka pohuar sot, mësohet se tërheqja e tij është për shkaqe personale, konkretisht për probleme shëndetësore.
Jo zyrtarisht, mësohet se Biba është tërhequr pas presioneve, kryesisht nga radhët e forcës politike që ai përfaqëson, por pa u mësuar konkretisht për natyrën e këtyre presioneve. Pritet që PD, nesër të dalë zyrtarisht me një qëndrim për këtë tërheqje.
Tërheqja e Altin Bibës nga gara ka krijuar edhe një ngërç insitucional. KZAZ-ja e Kurbinit nuk ka pranuar çregjistrimin e tij, për shkak se Kodi Zgjedhor nuk parashikon diçka të tillë, pas regjistrimit të kandidatit nga KQZ. I mbetet KQZ-së të diskutojë brenda hapësirave ligjore dhe të vendosë për këtë tërheqje, në këtë fazë të procesit parazgjedhor.
Për më shumë mund të lexoni edhe..
/web/Terhiqet_nga_gara_kandidati_i_PD_se_ne_Kurbin_enigme_shkaqet_1862_1.php
