Doktor Kosova emocionohet dhe përlotet nga vlerësimet e banorëve për atë dhe punën e tij

Kandidati i Partisë Demokratike Halim Kosova ka takuar sot banorët në rrugën “Riza Cerova”. Ka qenë emocionues takimi i doktor Kosovës me banorët e Njësisë Bashkiake numër 8 pasditen e kësaj të marte, aq sa i përlotur ka kërkuar edhe shami për të fshirë lotët.
Teksa dëgjonte vlerësimet e banorëve për të, kandidati i PD-së për Bashkinë e Tiranës ka premtuar mbështetje për tiransit e vjetër, por pa harruar edhe banorët e tjerë, sipas tij, “për atë që ju keni bërë për të ardhurit në Tiranë”.
“Se kur ndihem keq ulem edhe sikur të dali ndonjë kokërr loti s’është keq”, tha Kosova teksa mori fjalën pas një zonje.
Ndërsa u ka kërkuar banorëve të mos e emocionojnë me vlerësimet, se përndryshe do t’i duhej shami për lotët.
“Po mbyllini, o më bini shami tashi (qesh)”.
Ai më herët tha që, “Unë s’vij këtu të kërkoj votat tuaja se shefi im ka bërë ndonjë vezë të madhe, jo mor jo, s’vij këtu për të marrë privilegje”.
“Më vjen shumë keq që edhe në vende ku sebepi për ti vënë emrin lagje muze, shpia e partisë të mos ekzistojë më dhe tiransit duhet të jetojnë në një mizeralitet, e kanë marrë shpi me qera, e si lejnë se gjoja kjo ka emrin lagje muze. Ndoshta ka ardhur koha që t’ua shpërblej për të gjithë të mirat që ju i keni bërë të tjerëve. Asnjë projekt i bashkisë, s’do cënojë interesat e kërrkujt nga ju, por edhe banorëve të tjerë, asnjë e mire s’do vijë duke përdhosur pronën tuaj për atë që ju keni bërë brez pas brezi për të ardhurit në Tiranë”, u shpreh Halimi.