Kukës, “cowboys”-i shëtiste me pistoletë me mulli në qytet, arrestohet nga policia

Arrestohet në flagrancë një shtetas për armëmbajtje pa leje në Kukës. Sipas policisë lokale, mësohet se personi i arrestuar qarkullonte në qytetin e Kukësit me armë zjarri tip pistoletë.
Të njëjta burime saktësuan se, më datë 01. 06. 2015, u bë arrestimi në flagrancë i shtetasit, Land Gjana, 29 vjeç, banues në  Kukës, sepse, gjatë patrullimit të bërë në qytet nga shërbimet e Patrullës së Përgjithshme për sigurimin e rendit dhe  qetësisë publike, parandalimin e veprimtarisë kriminale dhe keqbërësve është kapur në flagrancë me një armë zjarri të tipit pistoletë me mulli.  Arma u sekuestrua në cilësinë e provës materiale.
Gjate kontrollit në banesë i janë gjetur dhe sekuestruar edhe 8 copë fishekë model 56, të cilët u sekuestruan në cilësinë e provës materiale.