FOTO/ Lushnjë, kryetari i komunës bën për spital një 62 vjeçar, vetë përfundon në pranga

Kryetari i komunës së Ballagatit në rrethin e Lushnjës, Sherbet Sharka, është arrestuar sot pasi ka goditur me sende të forta një qytetar që i kishte shkuar në zyrë për tu ankuar për probleme pronësie.
Sipas policisë mes Sherbet Sharkës dhe Ramiz Hasallës për shkak të një konflikti pronësie. Hasalla ka kërkuar disa herë takime me kryekomunarin mesa duket për të zgjidhur konfliktin por nuk ka ndodhur.
Devati i nisur një ditë më parë është përshkallëzuar në përdorimin e dhunës para godinës së komunës Ballagat
Mësohet se 62 vjeçari është goditur me mjete të forta duke i shkaktuar plagë të rënda në kokë.
Burime të policisë bëjnë me dije se qytetari Ramiz Hasalla ka marrë plagë të rënda nga goditjet, ndërsa është dërguar me urgjencë në kirurgjinë e QSUT-së dhe ndodhet në gjendje të rëndë shëndetësore.
“Konflikti midis palëve ka të bëjë me faktin se i dëmtuari ka kërkuar takim me kryetarin e komunës Ballagat Sherbet Sharka për zgjidhjen e një konflikti pronësisë që ai ka pasur “ thuhet në njoftimin e policisë.
Policia po heton ndërkaq për të zbardhur detaje të tjera nga ngjarja.