Rrogozhinë, militantët rrihen midis tyre, kontestojnë rezultatin

Procesi i numërimit në Rrogozhinë degradon në dhunë dhe rrahje fizike. Shkak ka qenë përmbysja e rezultatit. Ndërsa deri në kutitë e fundit kryesonte  Eqerem Deliu, kandidati i koalicionit opozitar APPD, ky rezultat është përmbysur, dhe Beqir Nuredini, kandidati i koalicionit mazhoritar ASHE, ka kaluar në avantazh.
Ky ka qenë momenti i konflikti dhe dhunës fizike, midis mbështetësve të dy kandidatëve, të cilët janë përplasur fizikisht jashtë vendit të numërimit të votave. Është dashur ndërhyrja e policisë, për normalizimin e situatës dhe shoqërimin e shkaktarëve të përplasjes fizike.