Kanë mbetur edhe 167 kuti votimi për këshilla pa u numëruar në të gjithë Shqipërinë duke shënuar kështu edhe numërimin më të shpejtë të votave në të gjitha proceset zgjedhore në vend. Kryetarja e KQZ , Lefteri Luzi tha se procesi ka shkuar shumë mirë. “Vetëm një kuti votimi ka qënë e parregullt në votimet për kryetar bashkie që i përket Lezhës ndërkohë që ka pasur vetëm 2 kuti votimi të parregullta për këshilltar, një në Lezhë dhe një në Elbasan”, tha Luzi.
Në ditën e katër të numërimit të votave procesi po përfundon në të gjithë Shqipërinë përfshi edhe Malësinë e Madhe që pati probleme për shkak të situatës së tensionuar atje.
Pjsëmarrja e votuesve ka qenë në total 48 %, numri i votueseve femra ka qenë 44% e të gjithë votuesve.
E pyetur rreth kontestimeve të LSI për bashkinë e Vorës ajo tha se “në bashkinë e Vorës është mbyllur plotësisht numërimi si për kryetar dhe për këshilla”.
