FOTO/ Durrës, dëmtohet sheshi elektoral “Iliria”, nuk mundi të përballojë më shumë se sa mitingun e PS-së

Plot 138 milion lekë u hodhën për rehabilitimin e sheshit “Liria” në qendër të Durrësit.
U konsiderua si një nga projektet më të mira në shërbim të qytetareve sheshi “Iliria” në Durrës. Inaugurimi u bë gjatë ditëve të fushatës, por tani pllakat janë thyer dhe  barrierat mbrojtëse janë hequr, si pasoje e cilësisë së dobët të punimeve.
Në brendësi të tij, janë hapur gropa të mëdha, ndërsa barrierat dekorative të vendosura në anë të rrugës janë dëmtuar nga automjetet.
Qytetarët kërkojnë më shumë cilësi ndaj investimeve publike.
Sheshi “Liria”, nga vendoret, konsiderohet, si një projektet me të mira të zbatuara për argëtimin e qytetareve, por firma që ka fituar tenderin për sistemimin e tij ka kryer punime mjaft të dobëta. Kjo rrezikon ta kthejë shumë shpejt atë në një kantier të ri ndërtimi.
Kryeministri Edi Rama nuk ia kurseu fjalët e mira, jo aq sheshit, se sa kryebashkiakut Vangjush Dako.
“Sheshi Iliria, kryevepra për të cilën Vangjush Dako ka punuar e luftuar aq shumë, është sot mishërimi i vizionit tonë për ndryshimin e Shqipërisë, i momentit historik kur Durrësi dhe gjithë Shqipëria kanë marrë kthesën për në drejtimin e duhur”, u shpreh Kryeministri Edi Rama, në mitingun përmbyllës të PS-së në Durrës.
Por, me sa duket, ky shesh, nuk mundi ti rezistojë më gjatë me cilësinë e tij, se sa një mitingu partiak.