RASTËSIA/ Gjyqi ndaj Gates së Lazaratit fillon ditën që në Shqipëri vjen Angela Merkel

Në datën 8 korrik, fillon gjykimi ndaj Razip Mahmutaj, të njohur edhe me emrin Gate, nga Lazarati. Rastësi apo jo, por në këtë ditë, është paralajmëruar se në Shqipëri do të vij për një vizitë kancelaria gjermane, Angel Merkel.
Razip (Gate) Mahmutaj  dhe personat e tjerë, Arjan (Servet) Basha, Florian Shurdhi, Ramadan Basha,  Altea Haska, Gurgaz Skënderi, Enrik Skënderi, Engliend Aliko, Matjas Boci, Arbjon Aliko, Alfred Proko, Vandam Mahmutaj , Klajdi Karemani, Lorenc Bregu (Çobaj),  Beqo Brahimi dhe Drini Aliko, akuzohen për “Kultivim i bimëve narkotike”, “Kundërshtim i punonjësit të Policisë së Rendit Publik”, “Grupi i strukturuar kriminal,” etj., parashikuar nga nenet 284, 236, 278/2/5, 333/a/1, 334 të Kodit Penal.
Këta persona u arrestuan një vit më parë, gjatë një operacioni të Policisë së Shtetit, kundër kultivimit të bimëve narkotike në Lazarat.