Aksident në aksin Fier-Lushnjë, humb jetën drejtuesi 27-vjeçar i motorit

Një i ri ka humbur jetën pasi është përplasur nga një automjet me targa kosovare në autostradën Fier-Lushnjë.
Si pasojë e aksidentit ka gjetur vdekjen 27-vjeçari Gazmend Hatija, i cili ka qenë duke udhëtuar me një motor në momentin e përplasjes.
Ngjarja ka ndodhur pranë fshatit Vajkan në orët e vona të natës midis të enjtes dhe të premtes.
Ende nuk dihen shkaqet e plota të këtij aksidenti. Policia ka mbërritur menjëherë në vendngjarje dhe ka nisur hetimet për zbardhjen e shkaqeve të aksidentit.