Aksident në aksin Lezhë-Shkodër, plagosen 6 persona, një 12 vjeçar në gjendje të rëndë

Një aksident i rëndë ka ndodhur në aksin rrugor Lezhë-Shkodër,  në fshatin Balldren të Lezhës.  Të dhënat paraprake nga policia raportojnë se në aksident janë përfshirë dy makina e për pasojë kanë mbetur të plagosur 6 persona. Sipas policisë të dëmtuarit janë dërguar në spital për të marrë ndihmën e shpejtë mjekësore, ndërsa një djalë 12 vjeç është në gjendje më të rëndë. Sipas policisë, në aksident janë përfshirë disa shtetas kosovarë.