FOTO LAJM/ Polici me ngjyrë ndihmon përkrahësin e grupit racist “Ku Klux Klan”

Fotografia e përkrahësit të grupit racist “Ku Klux Klan”, Rob Godfrey, e cila ishte bërë në fillim të kësaj jave, ka bërë gjiron e botës, për faktin se në të shihet një polic me ngjyrë duke e ndihmuar atë pasi ishte sëmurë, shkruan New York Times.
Polici Leroy Smith as që e kishte besuar se kjo foto do të bëhet kaq e popullarizuar, kurse gjestin e tij e përshkruan me një fjalë – dashuri, transmeton lajmi.net.
Kur është pyetur nga gazetarët se pse kaq shumë njerëz kanë mbetur pa fjalë në lidhje me veprimin e tij, Smith tha, “Dashuria. Unë mendoj se kjo është gjëja më e mirë në botë, dhe arsyeja pse veprimi im ka prekur kaq shumë njerëz”.
Ai gjithashtu ka shpjeguar se çfarë ka ndodhur prapa ndërtesës së parlamentit në Karolinën e Jugut, gjatë protestës së lëvizjes “Edukatorët e zi për drejtësi” dhe të “Ku Klux Klan”, për shkak të heqjes së flamurit të Konfederatës.
“Një njeri më bëri me gisht në drejtim të një personi të vjetër. Ai dukej se ishte në gjendje të keqe, dhe menjëherë e kuptova se diçka nuk është në rregull me të”, ka shtuar Smith.
Ai menjëherë e kishte ndihmuar burrin i cili kishte veshur një bluzë me kryq të thyer.