Kukësi raste të përsëritura dhune, rrezikon dënim të rëndë

Ndeshja Kukësi – Legia Varshavë, e ndërprerë sonte në minutën  e52 të saj, pas dhunës së tifozëve ndaj lojtarëve polakë, mësohet se do t’i kalojë në shqyrtim Komisionit të Disiplinës. Ndërkohë, mësohet se pritet një fitore në tavolinë 0-3 në favor të polakëve. Ndërkaq, skuadra e Kukësit mund të dënohet me gjobë ose dënim më të rëndë.
Ekipi i Kukësit, i ka raste të përsëritura, këto të dhunës.
Gjatë sezonit 2013/2014 të Europa League, Kukësi është dënuar dy herë në UEFA për shkak të sjelljes së dhunshme të tifozëve. Për shkak të hedhjes së shisheve dhe fishekzjarrë në fushë gjatë takimit me Sarajevën dhe Metalurh Donetsk, Kukësi u dënua me 27 mijë euro gjobë. Ndërsa në sezonin 2014/2015 u dënua sërish për ndeshjen e luajtur ndaj ekipit të Kazakistanit, Kairat Almaty, po për dhunë në stadiumin “Qemal Stafa”, ku u dënuan me 10 mijë euro gjobë.