Tiranë, shpërthen automjeti, dyshohet se ishte i qëllimshëm

Një automjet është përfshirë nga flakët mëngjesin e sotëm në autostradën Tiranë-Durrës.
Burime nga vendngjarja raportojnë se një makinë tip ‘Fiat Punto’me targa TR6955U, në pronësi të shtetasit Hysen.M, ka shpërthyer në kilometrin e 6 të autostradës Tiranë-Durrës.
Policia mbërriti menjëherë në vendngjarje dhe ka nisur hetimet për të zbardhur shkaqet e shpërthimit të makinës. Të dhënat nga hetimi paraprak tregojnë se ka një zjarrëvënie të qëllimshme të automjetit.
Aktualisht, efektivët e policisë po punojnë për të normalizuar trafikun e krijuar në qarkullimin e automjeteve në autostradën Tiranë-Durrës.