Elbasan, arrestohet 38-vjeçari, kanosi me automatik vëllain

Policia e Elbasanit ka parandaluar një vrasje mes dy vëllezërve. Qëndrim Bali, 38-vjeç, banues në fshatin Trojas të Belshit është arrestuar në flagrancë pasi ka kanosur me automatik vëllain e tij 48-vjeçar, R.Bali.
Sipas policisë, konflikti mes dy vëllezërve ka ndodhur për motive të dobëta. Nga hetimet e para, policia ka mundur të sekuestrojë një armë zjarri automatik model 56 dhe një krehër me 30 fishekë model 56.
Qëndrim Bali do të procedihet penalisht për veprat “Kanosja” dhe “Prodhimi dhe mbajtja pa leje e armëve luftarake dhe e municionit”.