Lezhë, shpallet në kërkim kosovari, mashtrim me 800 euro për punësim në Austri

Policia e Lezhës ka shpallur në kërkim një 42-vjeçar pas kallëzimit të 8 personave për mashtrim. Sipas policisë, personi  shpallur në kërkim është K.Gj, banues në Gjakovë të Kosovës, pasi u ka premtuar tetë personave kontrata pune në Austri dhe përmes mashtrimit ka përvetësuar nga secili prej tyre 800 euro. K.Gj i ka përvetësuar paratë përmes agjensive Western Union dhe Money Gram ku personat e mashtruar kanë dërguar paratë.
Shtetasi kosovar u shpall në kërkim, pasi në datën 18 gusht, 8 personat e mashtruar kanë bërë kallëzim penal në Policinë e Lezhës.
Policia është vënë në kërkim të shtetasit K.Gj, ndërsa ky i fundit do të procedohet për veprën penale të “Mashtrimit”.