Në Samitin e dytë të Vjenës për vendet ballkanike, Komisioni europian do të japë 1.5 mln € fond shtesë për të ndihmuar strehimin e refugjatëve në Serbi dhe Maqedoni. Në total, ndihma e BE-së për refugjatët dhe emigrantët për Ballkanin arrin shumën 1.75 mln €.
Ndihma do të bazohet në sigurimin e disa shërbimeve bazë emergjente si uji i pijshëm, higjiena, kujdesi shëndetësor, strehimi dhe mbrojtja për refugjatët dhe emigrantët, përmirësimi i qendrave të pritjes, si dhe koordinimi dhe raportimi për çështjet e emigrimit në rajon.
Komisioner i BE-së për Ndihmën Humanitare dhe Menaxhimin e Krizave, Christos Stylianides është shprehur:
“Vendet e Ballkanit Perëndimor po përballen me një numër të paprecedent kalimi refugjatësh dhe emigrantësh. BE po e shton ndihmën humanitare për t’u siguruar ndihmën urgjente që u nevojitet. Ky është solidariteti evropian në thelbin e vet”.
