Auditi i KLSH, defiçit 20.8 miliard lekë në sigurimet shoqërore, ndiqen penalisht 3 punonjës

Kontrolli i Lartë i Shtetit ka kryer një audit në Institutin e Sigurimeve Shoqërore dhe ka konstatuar se ka një defiçit me 20.8 miliard lekë. Lidhur me defiçitin e skemës, KLSH ka kallëzuar penalisht tre punonjës të ISSH-së, me iniciale L. M., N. Ç dhe A. Gj me akuzën “Shpërdorim detyre”.
Nga auditimi u evidentuan një sërë parregullsish dhe shkeljesh, të shoqëruara me efekte negative në buxhetin e shtetit në vlerën 36.9 milionë lekë.
Auditimi k akonstatuar se në këtë institucion ka edhe disa parregullsi të tjera lidhur me punësimet dhe të të larguarve nga puna,  ku sipas raportit të KLSH,  ka patur disa të punësuar pa asnjë proçedurë konkurimi.
Raporti i fundvitit 2014 tregon se defiçit është 20.8 miliard lekë për shkak të raportit të zhdrejtë kontribues-përfitue. Po ashtu një faktor tjetër është se skema e pensioneve ka shpenzimeve më të larta se të ardhurat e parashikura.