Aksident i rëndë në Shkozë, furgoni përplas një motorr, një biçikletë dhe disa kalimtare

Një aksident i rëndë ka ndodhur në Shkozë, tek rruga Ali Demi në Tiranë dhe nga të dhënat paraprake mësohet se janë disa persona të plagosur rëndë. Nga raportimet në vendngjarje thuhet se janë përplasur një motorr dhe një biçikletë me një furgon. 
Në aksident janë përfshirë edhe disa kalimtare në vendin ku  një furgon me targa TR 5028 R ka përplasur një biçikletë dhe motorr.
Të plagosurit janë dërguar menjëherë në spital, mes të cilëve edhe drejtuesi i furgonit, ndërsa ende nuk dihet nëse ka viktima. Gjithashtu nuk ka informacione rreth identitetit të të plagosurve.
Policia ka shkuar në vendngjarje për të hetuar dhe zbardhur ngjarjen.