QKR ka vendosur të ndajë fluksin madh që ka këto ditë për regjistrim në zona të tjera të Tiranës. Me qëllim lehtësimin e procedurave të regjistrimit të biznesit dhe shmangien e rradhëve, duke filluar nga dita e nesërme e mërkurë datë 16 Shtator 2015 zyrat e Qendrës së Shërbimit të Tatimpaguesve që ndodhen në adresën: “21 Dhjetori, Rruga: “Sulejman Pitarka”, Tiranë”, do të pranojnë aplikime për regjistrimin fillestar të biznesit (personat fizikë), thuhet në një njoftim të kësaj zyre.
Gjithashtu, QKR ju inkurajon të përdorni platformën online për regjistrimin e biznesit tuaj, e aksesueshme nëpërmjet portalit qeveritar e-albania.al.
