Saimir Tahiri transferon baltosjen “ndërkombëtare” ndaj tij, si baltosje të PD ndaj policisë

Atë që ministri i Brendshëm Saimir Tahiri e konsideron “baltosje”, këtë herë nga mediat italiane, e thënë ndryshe “ndërkombëtare”, ai nuk e përmend.
Në reagimin e tij më të fundit në “Facebook” ai shkruan sot se, “Pas çdo suksesi të Policisë, ka një baltosje më shume nga PD. Policia në krye të detyrës kundër krimit, SHQUP-i në krye të detyrës kundër Policisë!”.
Në këtë status, me dashje ministri i Brendshëm e shmang “baltosjen” e “Il Secolo XIX’ ndaj atij, personalisht si Saimir Tahiri dhe flet për baltosje të PD-së ndaj punës së policisë.
Ndërkohë, asnjëherë PD, sikurse edhe “il Secolo XIX” në Itali, nuk flasin për policinë shqiptare, e aq më tepër për “baltosje” të saj.
Transferimi që Saimir Tahiri i bënë “baltosje” së tij, si “baltosje” të policisë, është një përpjekje e dështuar për ti varur vetes një yll më tepër në spaletat e sukseseve imagjinare…