EMRAT & FOTO/ Terrorizmi, familja italo – shqiptare e “Lady Xhihad” në listën e zezë të OKB

Familja simbol e përkrahjes së terrorizmit mes Italisë e Shqipërisë, shtohen në listën e zezë të OKB-së. Ata janë,  Aldo Kobuzi, Maria Giulia Sergio (bashkëshorte e Aldo Kobuzi), Serjola Kobuzi, Donika Çoku (Kobuzi), Dhe Baki Çoku i arrestuar në Lushnje e më pas ekstraduar në Itali.
Këta persona u zbuluan si përkrahës e rekrutues të luftëtarëve drejt Sirisë në vitin 2015 nën operacionin e përbashkët të policisë italiane dhe asaj shqiptare koduar “Martesë”.
Në këtë operacion në pranga u vunë 9 persona dhe disa të tjerë ende në kërkim, ndërsa e konsideruar “Lady Xhihad” nga media italiane Maria Giulia Sergio 25-vjeçare ishte në krye të kësaj celule. Ajo rezultonte e martuar me Aldo Kobuzin të riun nga Lushnja i cili sipas hetuesve shërbeu si pikëlidhje për celulën terroriste të ndërtuar më pas nga shqiptarët.