Kreu i PD-së, Lulzim Basha u takua sot pasdite me kreun e Europolit Rob Wainright ku diskutoi protokollin për bashkëpunim të shpejtë me policinë europiane në rastin e verifikimit të gjurmëve të gishtave.
Ndërkaq gjatë bisedës Basha mori edhe garancinë se Europol do të hetonte dhe gjurmonte pasuritë e fshehura të zyrtarëve të lartë shqiptarë.
“Sot mbasdite pata një takim të veçantë me Rob Wainright, Drejtor i Europolit, agjencisë të Bashkimit Europian për luftën kundër krimit. Në raportin e vitit 2017, Europoli e cilësonte Shqipërinë burimin kryesor të drogës në Europë dhe korridor kryesor të tranzitit të heroinës dhe kokainës nga Azia në Europë. Ndamë shqetësimin e thellë për këtë gjendje tronditëse të drogës dhe krimit në vend.
Diskutuam mundësinë e vendosjes së protokollit për bashkëpunim të shpejtë për verifikimin e shenjave të gishtërinjve, me qëllim zbatimin efikas të ligjit të dekriminalizimit, si dhe në luften ndaj krimit.
Zoti Wainright ofroi gjithashtu mbështetjen për hetimin dhe gjurmimin e aseteve të krimit të organizuar dhe pasurive të fshehura të zyrtarëve të lartë’, deklaron Basha pas takimit me shefin e policisë europiane.Droni.al
