Presidenti Bujar Nishani vlerëson Ekipin Kombëtar të Futbollit me Dekoratën “Nderi i Kombit”

Presidenti i Republikës, Bujar Nishani vlerëson Ekipin Kombëtar të Futbollit të Shqipërisë me Dekoratën “Nderi i Kombit”.
Sipas njoftimit zyrtar të Presidencës, mësohet se këtë dekoratë presidenti e ka dhënë  me këtë motivacion: “Në vlerësim të arritjes historike të kualifikimit për në fazën finale të Kampionatit Europian ‘Francë 2016’, për rezultatet e shkëlqyera sportive që mundësuan këto fitore si dhe për lartësimin e imazhit të Shqipërisë dhe shqiptarëve në botë duke na bërë më krenarë e të bashkuar se kurrë”.