ZBARDHET NGJARJA/ Kurbin, vëlla e motër vranë bashkëfshatarin për disa rrënjë gështenjash

Polica e Kurbinit ka zbardhur vrasjen e ndodhur pak orë më parë në fshatin Selitë Kurbin. Burime zyrtare të drejtorisë së Policisë së Lezhës, bëjnë të ditur se si rezultat  i  veprimeve  të  shpejta  profesionale  dhe  hetimore, bëri  të mundur identifikimin e dy autorëve të dyshuar të vrasjes së shtetasit Ndrec Pjetri. Ata janë, vëlla e motër, Indrit Ndoci 29 vjeç dhe Xhoana Ndoci 24 vjeçe, banues në Selitë, Kurbin.     
Policia bën të ditur se punohet për kapjen e tyre.                            
Ngjarja për të cilën akuzohen këta dy persona, ka ndodhur në orët e para të mëngjesit të sotëm në fshatin Selitë Kurbin. Policia u njoftua se kishte pasur një konflikt pronësie në mes këtyre personave. Pas njoftimit, shërbimet e Komisariatit të Policisë Kurbin, u nisën dhe mbërritën në fshatin Selitë. Aty konstatuan se nga ky konflikt kishte mbetur i vrarë me armë zjarri shtetasi Ndrec Prendi, 58 vjeç, banues në Selitë Kurbin.
Nga hetimet paraprake, dyshohet se motivi i vrasjes ka qenë i lidhur me një konflikt pronësie mes viktimës dhe dy bashkëfshatarëve, për shfrytëzimin e pemëve të gështenjave.
Policia vazhdon hetimet e mëtejshme.