Nuk ka thënë nëse është takuar apo je me Lulzim Bashën sic aludohej në letrën e Spartak Brahos por e ka konsideruar atë një trill të medias. Kryeministri tha se takimet i fantazoni ju (media). Ndërsa lidhur me Metën ai u betua që partneri i tij në koalicion nuk i kishte kërkuar ndryshimin e asnjë ministri, gjatë një intervistë në Opinion.
Ja përgjigjet:
Pyetje: A keni takuar zotin Basha?
Takimet e mia me shokun tuaj i fantazoni ju. I thoni ju dhe ju pëlqen kështu dhe pastaj filloni edhe ta besoni.
Pyetje: A ju ka kërkuar Meta të ndryshoni ministrat. Si janë raportet politike mes jush?
Marrëdhëniet janë krejt normale. Kur unë kam marrë nismën për koalicion nuk kam menduar që ne do të kishim kaq pak probleme me njëri tjetrin. Kam menduar se do të kishim shumë më tepër debate dhe konflikte të natyrës politike se c’kemi pasur. Kemi pasur debate shumë të rralla dhe asnjë konflikt. Ne diskutojmë rregullisht me njeri tjetrin dhe hapur, dhe në asnjë rast nuk kemi pasur distancë në gjykimin përfundimtar të gjërave pas diskutimeve. Nuk më ka kërkuar largimin e askujt nga qeveria. Në asnjë moment nuk kemi folur për ndryshime qeverie unë dhe Ilir Meta.
Pyetje: A ka krizë mes jush?
Më duket krizë e medieve se sa krizë…
