Pronarët e kompensuar kundër ligjit të ri verifikimit

Shoqata “Pronësi dhe Drejtësi” ka nisur një letër ne drejtim te kreut te kuvendit Ilir Meta dhe te gjithë krerëve te grupeve parlamentare, ku i kërkon me force qe te mos futin për te shqyrtuar ligjin e ri te depozituar për pronat ne kuvend, sipas vizion tv. Shoqata sqaron se ligji do te ktheje mbrapa te gjitha vendimet qe ka marre Agjencia e Kthimit dhe Kompensimit te Pronave ne këto 25 vite dhe do t’i rivlerësoje ato. Ne momentin qe ato vendime janë dhëne ne baze te ligjit, atëherë nuk ka nevoje rishqyrtimi i tyre thonë ish-pronaret, por vetëm vonohet procesi. Një tjetër pike e kontestuar prej shoqatës është edhe fakti se ligji ne asnjë nen nuk përmend kompensimin fizik te pronës, por duke marre si vlere referenciale çmimin qe ka patur toka ne kohen qe është blere. Ne ketë ligj asnjë pronar nuk merr me shume se 7 deri ne 10 mije euro, sqaron shoqata, gjë e cila sipas saj bie ndesh me parimet themelore te te drejtave te njeriut.