Foto Arkiv
Ka qenë “origjinal” më propozimin e tij, kreu i Misionit të EURALIUS, Rainer Deville.
Përpos konstatimit tryezën mbi konsultimet për ndryshimet kushtetuese, sipas të cilit, se asnjë vend në Europa nuk ka korrupsion sa Shqipëria, Deville “shpalosi” propozimin, “e vetmja zgjidhje për frenimin e korrupsionit është shkarkimi i 400 prokurorëve dhe 400 gjyqtarëve. Gjyqtarët e prokurorët të justifikojnë milionat. Nëse pini kafe me kriminelë, do të pushoheni nga puna. Prokurorët e gjykatësit do e kenë pagën mbi 2 milionë lekë”.
Ndërkohë në këtë tryezë, përfaqësuesit të BE-së dhanë mesazhe të qarta për qeverinë dhe klasën politike në vend, ndërsa theksuan rëndësinë që të luftohet korrupsioni në sistemin e drejtësisë.
Ambasadori francez në vendin tonë, Bernard Fitoussi deklaroi se qeveria shqiptare duhet të marrë masa për luftën ndaj korrupsionit. Ambasadori Fitoussi teksa u ndal tek ndryshime kushtetuese theksoi se emërimet në drejtësi duhet të jenë transparente.
Ambasadori lëshoi një mesazh të qartë, ndërsa pohoi se në këtë proces duhet të bëhet dallim se cilët janë gjyqtarët e korruptuar.
“Lufta ndaj korrupsionit ka shumë rëndësi. Puna mund të bëhet në afatshkurtër, qeveria të marrë masa. Emërimet në drejtësi duhet të jenë transparente. Të bëhet dallimi cilët janë gjyqtarët e korruptuar”, tha ambasadori Fitoussi.
Sakaq, ambasadori bëri të ditur se Franca do i ofrojë mbështetje autoriteteve shqiptare.
Ndërkohë, në fjalën e saj, ambasadorja e Bashkimit Europian në Tiranë, Romana Vlahutin theksoi se reforma në drejtësi duhet t’i qëndrojë të vërtetës. Vlahutin pohoi se ka ende abuzime me burimet që i përkasin të gjithëve.
“Ka ende abuzime me burimet që u përkasin të gjithëve. Reforma në drejtësi, t’i qëndrojë të vërtetës. Disa gjyqtarë me miliona euro, e pashpjegueshme”, tha ambasadorja e BE-së.
