Operacioni i policisë për lirimin e dy pengjeve
Gjykata e Shkallës së parë e Krimeve të Rënda, ka lë në sot nën mashne sigurisë “Arrest në burg”, tre persona te arrestuar disa ditë më parë, për pengmarrjen e dy vëllezërve në Dukagjin.
Sipas vendimit të sotëm të gjykatës, mësohet se të arrestuarit që do të qëndrojnë në burg, deri në përfundim të hetimeve dhe gjykimit, do të jenë, Tomë Shkepa, 32 vjeç, banues në fshatin “Omaraj” njësia administrative Gruemirë, bashkia Malësi e Madhe, Lek Shkepa, 36 vjeç, banues në fshatin “Omaraj” njësia administrative Gruemirë, bashkia Malësi e Madhe dhe Kolë Dushku, 22 vjeç, banues në fshatin “Plan-Gjuraj”Njesia Administrative Pult, Bashkia Shkodër.
Ndërkohë janë identifikuar dhe janë shpallur në kërkim edhe katër persona të tjerë, P. Dushku, 35 vjeç, P. Dushku, 20 vjeç, L. Vala, 20 vjeç dhe F. Vala, 21 vjeç, të gjithë banues në fshatin Gjuraj, Njësia Administrative Pult, bashkia Shkodër.
Disa ditë më parë, forcat e policisë së Shkodrës dhe forcat speciale liruan një peng në fshatin Plan në Dukagjin, për pengmarrjen e të cilit akuzohen shtatë personat. Personi me iniciale S. K., mbahej peng që prej 21 nëntorit nga disa persona të tjerë të cilët shkëmbyen zjarr me policinë gjatë operacionit.
Më datë 21. 11. 2015, këta persona, në bashkëpunim me njëri-tjetrin kanë marrë peng në qytetin Shkodër, shtetasit S. K., dhe A. K., ku më pas shtetasin A. K., e kanë lëne të lirë me qëllim gjetjen e shumës prej 10 mijë eurosh në këmbim të lirisë së vëllait të tij të cilin e kanë mbajtur peng në fshatin Plan, Njësia Administrative Pult, Bashkia Shkodër deri në mbrëmjen e datës 27. 11. 2015, i cili u lirua pas operacionit të policisë.
Arsyeja e pengmarrjes dyshohet të jetë ndërmjetësimi që ky shtetas kishte bërë me disa shtetas të tjetër të cilët u kishin blerë lëndën narkotike shtetasve të sipërpërmendur dhe s’ju kishin dhënë lekët.
