Vlorë, policia provokon protestuesit , ju kërkon karta identiteti

Një incident ka ndodhur sot në mëngjes në Vlorë, midis policisë lokale, kreut të PD dhe qytetarëve të shumtë që ishin nisur të marrin pjesë në protestën që do të zhvillohet në Tiranë. Shkak ka qënë një provokim i panevojshëm i policisë, e cila me pretekstin e kontrollit të kartave të identitetit ka tentuar të ndalojë dhjetëra qytetarë, veçanërisht të rinj për të hipur në autobusët që do të niseshin drejtë Tiranës për protestë. Është dashur ndërhyrja e kryetarit të PD në Vlorë Moisi Meminaj, i cili pas komunikimeve me policinë ka mundësuar udhëtimin normal të protestuesve drejt Tiranës.