Një rast i cuditshëm i tatimeve është ai i gjobës që vune tatimorët ndaj biznesmeni turk.
Ky i fundit kishte marrë për të rregulluar instalimet në supërmarketin e tij 3 elektricistë.
Në këtë kohë mbërrijnë tatimorët, edhe pse çdo dokument ishte në rregull, sërish biznesmeni turk u gjobit.
Tatimet e ndëshkuan atë për mos sigurim të elektricistëve të cilët në fakt nuk i përkisnin fare kompanisë së tij.
Ndërkaq drejtuesi i shoqatës së tregtarëve, Nikollaq Neranxi, thotë se tani që biznesi kërkon ta ankimojë gjobën, duhet të paguajë të gjithë vlerën prej 1.5 milion lekësh që të fitojë të drejtën e apelimit të saj.
Por rastet e tilla nuk përfundojnë me kaq. Tregtarët e vegjël shprehen se pothuajse përditë kanë patur kontrolle nga tatimet, ku për kolegë të tyre nuk kanë munguar as gjobat e mëdha.
Shoqatat e biznesit kanë ankimuar në Gjykatën Kushtetuese ligjin e ndryshuar për procedurat tatimore me argumentin se nuk zbatohet parimi i propocionalitetit, një e drejtë kushtetuese për çdo qytetar. Masa e penalistit nuk është në të njëjtën vlerë me llojin e shkeljes që bëhet.
Brenda dy muajsh gjykatat duhet të vendosë nëse do e marrë ose jo në shqyrtim këtë nisëm, por bizneset kërkojnë pezullim të këtij ligji, deri në dhënien e një mendimi nga Gjykata.
