Është aksidentuar një person me aftësi të kufizuar pasditen e sotme në qytetin e Korçës. Invalidi po lëvizte me karrocë në momentin kur është përplasur nga një automjet tip “Benz”, me targë AA777CA, duke mbetur i plagosur rëndë.
Policia e Korçës ka shoqëruar drejtuesin e mjetit që shkaktoi aksidentin, ndërsa i plagosuri është dërguar me urgjencë në spitalin rajonal të Korçës për të marrë ndihmën e nevojshme mjekësore. Aksidenti ka ndodhur në afërsi të stacionit të autobusëve.
