Berisha ka postuar ndryshimin e ligjit nga qeveria socilaiste në vitin 1999 ku ndër të tjera i jepet statusi i veteranit edhe oficerëve të Sigurimit.
“Te dashur miq, Edvin Kristaq Rama ka kryer veper te rende penale, krimin e shemtuar te dekorimit te xhelateve te diktatures hoxhiste. Rama e beri kete akt çnjerezor ne nderim te krimeve monstruoze te babait tij, xhelat Kristaq Rames, me firmen e te cilit u varen dhe ekzekutuan per bindjet politike si armiq te diktatures, intelektuale dhe qytetare te pafajshem shqiptare, si dhe dajos se tij, superxhelatit te inteligjences teknike shqiptare Spiro Koleka. Prej dy ditesh ai perpiqet te laje duart si Pons Pilati me krimin e tij, duke fajsuar nen moton “fajin e ka Saliu”, ligjin e vitit 1994 per statusin e veteranit dhe tundur lista te nxjerra nga tefteret e Mrikes. Por ketu me poshte po rendis ligjin nr. 7874 dt 17.11.1994 nenin 6 te tij, qe percakton qarte se kush perjashtohet nga statusi i veteranit.
Dhe amendimin e ketij neni nga Edi Rama dhe partia e tij me dt 23.9.1999. Leximi i ketyre dy ligjeve çjerre masken e zeze te Edi Rames pasi del se me nenin 6-te ne ligjin e vitit 1994 perjashtoheshin nga status i”……..kriminele ne luften genocide te klasave ne regjimin totalitar”. sb
Ndryshimet në ligj:
LIGJ
Nr.7874, datë 17.11.1994
PER STATUSIN E VETERANIT TE LUFTES KUNDER PUSHTUESVE
NAZIFASHISTE TE POPULLIT SHQIPTAR
Neni 6
Statusin e veteranit nuk e gëzojnë personat që janë dënuar ose dënohen me vendim të gjykatës për krime kundër lirisë dhe pavarësisë së Atdheut dhe kriminelë në luftën genocide të klasave në regjimin totalitar.
Pikrisht kjo pike u hoqe nga neni 6 i ligjit te amenduar per statusin e veteranit te dates 23.9.1999(lexo me poshte) mbasi per Edi Ramen e etërite e tij nuk kishin kryer krime kunder njerzimit!!!
L I G J
Nr.8526, date 23.9.1999
PER DISA SHTESA DHE NDRYSHIME NE LIGJIN NR.7874, DATE 17.11.1994 “PER STATUSIN E VETERANIT TE LUFTES KUNDER PUSHTUESVE NAZIFASHISTE TE POPULLIT SHQIPTAR”
Neni 6 ndryshon si vijon:
“Statusi i veteranit nuk u njihet ose u hiqet personave qe janë dënuar ose dënohen me vendim gjykate te formës se prere, për krime lufte, për bashkëpunim me pushtuesit nazifashiste ose për veprimtari agjenturore kundër interesave te atdheut.”
Në cdo rast, ligji nr. 7874/1994 nuk parashikonte të drejtën e dhënies së medaljeve apo dekoratave personave që gëzojnë statusin e veteranit. Dhënia e dekoratave nga Ministria Mbrojtjes në vitin 2014 është bazuar në ligjin Nr. 112/2013 “Për dekoratat, titujt e nderit, medaljet dhe titujt vendorë të nderit në Republikën e Shqipërisë”, i ndryshuar. Qartësisht në këtë ligj përcaktohet se dhënia e dekoratave, titujve të nderit, medaljeve dhe titujve vendorë të nderit, është akt individual dhe që vlerësohet rast pas rasti, sepse udhëhiqet nga parimet e vlerësimit të kontributit, meritokracisë, transparencës dhe mirënjohjes publike. Fakti që një person gëzon statusin e veteranit nuk nënkupton apriori se gëzon të drejtën e marrjes së dekoratave apo medalejeve. Kjo për faktin se pika 2 e nenit 3 të ligjit nr. 112/2013 parashikon se “përfitimi i një dekorate, titulli nderi, medaljeje apo titulli vendor nderi nuk është një e drejtë dhe nuk mund të kërkohet si e tillë, në rrugë individuale apo institucionale.”
