Punonjësit e Administratës Tatimor do të shpërblehen deri 6 paga mujore. Qeveria ka miratuar një vendim për shpërblimin e punonjësve, në rast se tatimet do të tejkalojnë planin e të ardhurave. Ky shpërblim sipas qeverisë do të jepet për të stimuluar punonjësit dhe do përfitohet çdo 6-muaj.
Për të përfituar shpërblimet stimuluese për efektivitetin e shërbimeve dhe për kryerjen e shërbimeve me rrezikshmëri të veçantë, duhet që, brenda një periudhe 6-mujore të vitit kalendarik (janar-qershor/korrik-dhjetor), administrata tatimore të ketë tejkaluar planin e të ardhurave tatimore (përfshirë kontributet), për të paktën 3 muaj.
