Lazarat, arrestohet 65 vjeçari në kërkim për trafik droge

Policia e Gjirokastrës ka arrestuar një tjetër person nga Lazarati i cili ishte shpallur në kërkim gjatë operacionit masiv antikanabis në muajin qershor 2014.
Gjatë një operacioni të zhvilluar nga ana e Seksionit Kundër Narkotikëve është bërë kapja dhe ndalimi i shtetasit Daut Çela, 65 vjeç, banues në fshatin Lazarat, Gjirokastër.
Ky person u ndalua pasi Gjykata e Rrethit Gjyqësor Gjirokastër me vendim Nr. 21- 2015- 1182/234, datë 16. 06. 2015 e ka dënuar me 4 vjet e 8 muaj burg pasi në datë 24 qershor 2014 nga kontrolli i ushtruar në banesën e tij në fshatin Lazarat u gjetën 24 thasë me peshë 458 kilogram lëndë narkotike kanabis sativa.