Apple prezanton një aplikacion të ri, për të apasionuarit pas fotove dhe videove

Aplikacioni më i ri i prezantuar nga Apple quhet Clips. Siç raporton “Business Insider”, aplikacioni Clips është një përzierje ndërmjet Snapchatit dhe iMovie.
Apple ka prezantuar sot Clips, të cilin mund ta shkarkoni falas në “App Store”.
Si Snapchati apo Isntagrami, Clips ju lejon që të shpërndani foto apo video për një kohë deri 30 minuta, me efekte dhe filtra të veçantë.
Por, Clips nuk është rrjet social si Snapchati apo Instagrami. Ju mund t’iu dërgoni fotot apo videot miqve tuaj në iMessage, dhe mund t’i ruani ato në “camera roll” apo mund t’i dërgoni në aplikacione të tjera.