Një spikere lajmesh iraniane ka dhënë dorëheqjen nga puna dhe është larguar nga vendi pasi ka publikuar pretendimet e saj për ngacmim seksuale nga shefi i saj. Ajo punonte prej vitesh në televizionin shtetëror të vendit dhe ka deklaruar se është ngacmuar seksualisht prej vitesh nga ai.
Sheena Shirani ka postuar mesazhet që ka marrë nga shefi i saj editori i lajmeve Hamid Reza Emadi në të cilat ai i lutet që të shkojë në apartamentin e saj për seks. Ajo postoi gjithashtu një regjistrim ku Emadi i kërkonte që të ishin bashkë “vetëm për 5 minuta”.
“Nuk mund të jem më pjesë e një kauze, e një sistemi dhe organizimi tek i cili nuk besoj,” shkruajti ajo në Facebook-un e saj. “Që prej ditës së sotme unë nuk punoj më për “Press TV”. Çfarë është më e rëndësishme: Dinjiteti dhe vlerat apo puna?”
Më pas Shiranika postuar mesazhet e tij. Në njërin prej tyre thuhej: “Unë të kam ndihmuar gjithmonë. Kam qenë gjithmonë i gatshëm për çdo gjë që ke kërkuar. Nuk po të kërkoj të vrasësh njeri. Më ndihmo si mik. Bëj seks me mua si mik.”
Emadi dhe një tjetër menaxher i “PressTV” sipas raportimeve të “The New York Times”, u pezulluan nga puna ditën e hënë. Shirani ndërkohë është larguar për në një shtet tjetër dhe nuk e ka treguar vendndodhjen e saj.
