Gjashtë shqiptarë janë arrestuar nga policia italiane në kuadër të një operacioni që goditi një bandë kriminale të trafikut të lëndëve narkotike, kokainë dhe marijuanë.
Mediat italiane raportojnë se u arrestuan 33 persona, mes tyre 6 shtetas shqiptarë.
Operacioni i koduar “Old Story Eden” mësohet se u zhvillua në Milano, Trieste, Treviso dhe Varese. Gjatë tij u sekuestruan 22 kilogramë kokainë, 30 kilogramë marijuanë, 1.5 kilogramë hashash, armë zjarri dhe gjysmë milion euro.
